Экскурсия ў гісторыка-этнаграфічны музей «Сялянская хатка» на базе ДУА «Вялікамалешаўская сярэдняя школа імя Героя Сацыялістычнай Працы Н.І.Кавалец».

Наш музей—наш школьны гонар,

Аб мінулым успамін,

Папаўняем  штогадова

Гэту скарбніцу даўнін

   13 сакавіка вучні 7 і 9 класаў наведалі гісторыка-этнаграфічны музей «Сялянская хатка» на базе ДУА «Вялікамалешаўская сярэдняя школа імя Героя Сацыялістычнай Працы Н.І.Кавалец». У музеі нас сустрэлі дзве прыгажуні-экскурсаводы, Мілана і Даяна. Уздыхаць па старых рэчах, вяртацца да старога ўкладу жыцця не варта, але ведаць, як жылі нашы дзяды-прадзеды, трэба. А пры святле свечкі на покуці ў бацькоўскай хаце, пры святле малітвы ў душы відаць і тое, што засталося ў мінулым, і ясніцца шлях у будучыню.

   Здзяйсняючы сапраỳды грандыезныя справы, мы павінны берагчы тое, што пакінулі нам продкі: зямлю, якая нас корміць, моры, якія звязваюць нас з другімі краінамі, нябесы, ззяючыя сонцам. Колькі разоý жыцце падцвярджала, што забываць мінулае не проста нельга, але і небяспечна.

   Наш этнаграфічны музей “Сялянская хата”  быў  створаны  ў 1990 годзе  дырэктарам школы Крук Верай Гаўрылаўнай . Калі гонарам школы з’яўляецца музей, то гонарам любога музея з’яўляюцца яго экспанаты: рэчы і прадметы, якія набываліся ў мясцовых жыхароў, настаўнікаў  і работнікаў школы.

         Школьны этнаграфічны музей складаецца з  трох асноўных экспазіцый:

-         прылады працы селяніна;

-         сялянскае адзенне;

-         хатняя маёмасць

         Колькасць экспанатаў -120.